Header Ads

فرامل اليد,كيفية شد فرامل اليد,اجزاء فرامل اليد

فرامل اليد وهى تعتبر من اهم واكثر انواع الفرامل المستخدمة حتى وقتنا الحالى وبالطبع لا يوجد سيارة تخلو منها حيث ان فرامل اليد ( Hand Brake ) تعتبر نوع من انواع الفرامل الميكانيكية .
يتكون الموضوع من
  • فكرة عمل فرامل اليد او الفرامل الميكانيكية
  • اجزاء فرامل اليد
  • كيفية شد فرامل اليد
  • مميزات فرامل اليد او الفرامل الميكانيكية
  • عيوب فرامل اليد او الفرامل الميكانيكية

فرامل, ميكانيكا, ميكانيكا السيارات, شرح اجزاء السيارة, فرامل اليد,كيفية شد فرامل اليد,اجزاء فرامل اليد
صوره توضيحيه لفرامل اليد

فكرة عمل فرامل اليد او الفرامل الميكانيكية

فرامل اليد تشبة بكل بساطة فرامل العجلات حيث يوجد تيل فرامل( Fraction Part ) و قابض مربوط بسلك طويل على رافعة ( حتى يقلل من الجهد المبزول ) وعندما يتم شد هذا السلك يعمل على الضغط على القابض الذى بالتالى يضغط على التيل فيتم عمل ايقاف للسيارة عن طريق احتكاك التيل بالعجلات .
وقد ساعد على انتشارها فى ذلك الوقت انها كانت عملية وقتها وكذلك كانت سرعة السيارات مازلت نسبيا بطيئة فكانت تلك الفرامل قادرة نوعا ما على ايقاف السيارة بقوة شد السلك عن طريق زراع .

اجزاء فرامل اليد

اجزاء فرامل اليد,كيفية شد فرامل اليد,فرامل, ميكانيكا, ميكانيكا السيارات, شرح اجزاء السيارة
صوره توضيحيه لبعض اجزاء فرامل اليد
تتكون اجزاء فرامل اليد من اشياء ميكانيكه بسيطه يمكنك التعرف عليها ببساطه فى سياراتك توجد بعض الجزاء داخل السيارة واجزاء اسفل السياره
  1. مقبض او شداد الفرامل الذى يوجد بجوار السائق
  2. تيش شداد يوجد السفل السياره
  3. نقطه تثبيت وتوزيع الشدادات على العجلات
  4. نقطه تعادل
  5. جراب لحمايته الاتياش
  6. سسوت تثبيت وفى بعض الاحيان عصافير تثبيت او اى طريقه تثبيت عاديه

كيفية شد فرامل اليد

كيفية شد فرامل اليد,فرامل, ميكانيكا, ميكانيكا السيارات, شرح اجزاء السيارة
صوره توضيحيه لخطوات شد فرامل اليد
الادوات المستخدمه فى شد فرامل اليد مفتاح 12 او حسب الصوله الموجوده فى نهايه التيش- مفك صليبه - كوريك لرفع السيارة
  • هنقوم بثنى الكرسين الي الامام ونطلعهم قدام علشان نوسع مكان وحنقعد علي الكنبه الي ورا ونشتغل
  • حنلاقي مسامرين قلواظ في الكونسوله يمين وشمال نفكهم
  • وبعدين نشد فرامل اليد علي الاخر علشان نعرف نطلع الكنسوله
  • وبعدين طلع الكونسوله لفوق مع ميلنها للامام حتطلع بسهوله
  • بعد منخلع الكونسوله ننزل فرامل اليد علشان مينفعش نرجلش والفرامل مشدوده
  • حنبص نلاقي الوير باين والصموله الي حنرجلش منها
  • نقف لغايه هنا وننزل نرفع العربيه من الجنب اليمين وحنحط قالب طوب امام الفردتين الاماميتين علشان العربيه متتحركش 
  • وبعدين حندور العربيه لييييييييه علشان العجل يبقي حر ونعرف نرجلش احسن وبعدين حنلف الصموله بتاعت الرجلاش مع عقارب الساعه يعني ناحيه اليمين 
اول مره حنلف 3 لفات وننزل نلف العجل لو لسه حر نلف لفتين كمان وننزل نلف العجل تاني ونكرر الموضوع لحد لما نلاقي العجل تقل حنقوم مهويين شويه علشان نحملش علي التيل تمام كده
حنسيب كل حاجه ونزل العجله اليمين ونروح نرفع الشمال وناخد بلنا من النقطه دي
لو العجله الشمال بتلف حر يبقي تمام كده منرجلش تاني ونزل العجله ونبطل العربيه ونرجع كل حاجه زي ماكنت وخلاص
لاكن لو العجله بتلف تقيل يبقي نهوي الرجلاش لحد العجله متبقي حره علشان ممكن العجلتين ميبقوش في سوي بعض بالنسبه للتيل لازم نعمل حساب النقطه مهمه قوي .

مميزات فرامل اليد او الفرامل الميكانيكية

  •  سهلة التصميم 
  •  سهلة الصيانة
  •  تتوافق مع جميع انواع السيارات والمركبات

عيوب فرامل اليد او الفرامل الميكانيكية

  • لا تعمل الا عند السرعات البطيئة 
  •  تعتمد على القوة اليدوية
  •  احتكاك التيل بالعجلات يؤثر عليه
  •  نوعا ما غير دقيقة
  • ممن الممكن نسيانها مرفوعه فى بعض الاحيان

ليست هناك تعليقات:

يتم التشغيل بواسطة Blogger.